Sekretari i Përgjithshëm i NATO-s, Jens Stoltenberg ka deklaruar se nuk po planifikojnë të nisin një ofensivë ushtarake në Rusi. Duke folur në një takim me ministrat e Jashtëm të NATO-s, Stoltenberg deklaroi se Rusia nuk i ka arritur objektivat e saj strategjike.
“Ata nuk po marrin Kievin, ata po tërhiqen në Kharkiv. Ofendiva et yre në Donbas ka ngecur”, ka thënë Stoltenberg, i cili ka shtuar gjithashtu se Ukraina mund ta fitojë këtë luftë.
Komentet e tij vijnë pasi Ministria e Mbrojtjes e Britanisë (MM) vlerëson se Rusia ka humbur rreth një të tretën e forcës së saj luftarake tokësore që nga fillimi i luftës në shkurt. Në vlerësimin e saj, humbjet e Rusisë përfshin burrat e vrarë ose të plagosur dhe pajisjet e shkatërruara ose të kapura.
Sikurse raporton BBC, forcat ukrainase po kundërsulmojnë në qytetin e Izyum, tha guvernatori rajonal Oleh Sinegubov, diçka që mund të komplikojë planet ruse për të kapur Donbasin. Megjithatë, ushtria e Ukrainës pranoi gjithashtu pengesat në përditësimet e saj të fundit, duke thënë se Rusia po përparonte në disa zona në rajon.